दीपा बनिन् भट्टी साहुनी
काठमाडौं : भदौ ६ गतेलाई रिलिज डेट तय गरेको फिल्म ‘हजार जुनीसम्म’ को एक गीतमा दीपा श्री निरौला देखिनेछिन्। गीतमा दीपासँगै आर्यन सिग्देललाई देख्न पाइनेछ। आर्यन र दीपाको नृत्य रहेको गीतका केही तस्बिर सार्वजनिक भएको छ। गीतमा शिवहरि पौडेल पनि छन्। तीन फिल्म ब्याक टु ब्याक ब्लकबस्टर दिएकी निर्देशक दीपा श्रीलाई दर्शकले आइटम डान्स गर्दै गरेको देख्ने छन्।
गीतमा दीपाले ‘भट्टी साहुनी’ को रूपमा आइटम डान्स गरेकी छन्। यो गीतमा उनको नाम ‘शर्मिला’ राखिएको छ। गीतमा नायिका स्वस्तिमा खड्का, नवनायक अक्की प्रधान, कलाकार शिवहरि पौडेल, उत्तम केसीलगायतलाई यो भिडियोमा देख्न सकिनेछ। कविराज गहतराजले कोरियोग्राफी रहेको गीतलाई पुरुषोत्तम प्रधानले छायांकन गरेका हुन्।
‘आज नगद भोलि उधारो’ बोलको गीतमा वसन्त सापकोटाको शब्द तथा संगीत, प्रल्हाद तिमिल्सिना, मीना निरौला र दीपा श्रीको स्वर छ।
नाइँ नभन्नु ल सिरिजका निर्देशक विकासराज आचार्यको निर्देशन रहेको फिल्मको पटकथा सामीप्यराज तिमल्सेनाले तयार पारेका हुन्। फिल्ममा सञ्चिता लुइँटेल, अनुभव रेग्मीलगायतको पनि अभिनय छ। यसमा उदयराज सोताङ, राजनराज शिवाकोटी, वसन्त सापकोटा र प्रवीण पौडेलको संगीत, अर्जुन जीसीको सम्पादन छ। कविता रेग्मी फिल्मकी कार्यकारी निर्माता हुन् भने विशाल चाम्लिङ निर्माता छन्।
- सल्यानमा राष्ट्रिय परिचयपत्र बनाउन पुगेका एक वृद्धको लडेर मृत्यु
- नेपाल लोकतान्त्रिक खेलकुद संघ त्रिवेणीको अध्यक्षमा प्रेम बुढाथोकी चयन
- त्रिवेणीमा ९ सय ३८ जना जेष्ठ नागरिकलाई सम्मान तथा जेष्ठ नागरिक परिचय पत्र वितरण
- सल्यानको त्रिवेणी ३ तिमिलेचौरमा आगलागिमा परी एकको मृत्यु
- होली: प्रेम र एकताको संदेश- विजय भण्डारी
- श्री गायत्री प्राथमिक विद्यालय त्रिवेणी गाउँपालिका ५ ढोरचौर सल्यानले आफ्नो ३५ औं वार्षिकोत्सब मनाएको छ ।