खुल्ला भलिबल प्रतियोगिताको उपाधि एबिसी क्लब लुहामलाई
कात्तिक १७,सल्यान
तिहारको अवसरमा सल्यानको त्रिवेणी गाउँपालिकामा भएको खुल्ला भलिबल प्रतियोगिता तथा विविध सांस्कृतिक कार्यक्रम सम्पन्न भएको छ ।
स्वतन्त्र युवा क्लबले आयोजना गरेको खुला भलिबल प्रतियोगिताको उपाधि एबिसी क्लब लुहामले हात पारेको छ ।
१५ गतेदेखि सञ्चालन भएको प्रतियोगितामा १० टिमको सहभागिता रहेको थियो । प्रथम हुने टिमले २५ हजार रुपैयाँ नगद सहित प्रमाण पत्र पाएको छ । यस्तै दोस्रो हुने थ्री स्टार क्लब रामचौरले १५ हजार नगद र प्रमाण र तेस्रो हुने परिवर्तन युवा क्लबले १० हजार सहित प्रमाण पत्र प्राप्त गरेका छन् ।
कार्यक्रममा त्रिवेणी गाउँपालिका –४ का वडाध्यक्ष छविराज शर्मा, नेकपा एकीकृत समाजवादी त्रिवेणी गाउँपालिकाका अध्यक्ष कुल बहादुर भण्डारी, एमाले त्रिवेणी गाउँपालिका सचिव धनराज तुफान, वडा सचिव लोक बहादुर बोहरा, नेपाल राष्ट्रिय माध्यमिक विद्यालयका प्रधानाध्यापक गोर्वधन रेउले लगायतको सहभागिता रहेको थियो ।
- आफुहरुलाई नढोगेको भन्दै सल्यानमा दुईजना युवाले कुटपिट गर्दा एक युवकको मृत्यु
- इजरायल आक्रमणमा सल्यानका ३ जना परे, एक जनाकाे मृत्यु
- सल्यान त्रिवेणीका २ जना दाङमा मृत अवस्थामा फेला
- त्रिवेणी देखि दाङ जोड्ने द्रुत मार्ग बारे छलफल
- सल्यानमा जिप दुर्घटना २ जनाको मृत्यु १७ जना घाइते
- सल्यानको कपुरकोटमा जिप दुर्घटना हुदा दुईजनाको मृत्यु, एकजना घाइते