भव्य समारोहका बीच नेपाल भ्रमण वर्ष २०२० को औपचारिक शुभारम्भ

   
त्रिवेणी अनलाइन
१६ पुष २०७६, बुधबार २०:५९ मा
[Sassy_Social_Share total_shares="ON"]

काठमाण्डाै – नेपाल भ्रमण वर्षको औपचारिक शुभारम्भ भएको छ ।

काठमाण्डौको दशरथ रंगशालमा भएको भव्य समारोहकाबीच राष्ट्रपति विद्यादेवी भण्डारीले नेपाल भ्रमण वर्ष २०२० को औपचारिक उद्घाटन गर्नुभयो । उहाँले नेपाल विश्वकै अनुपम गन्तव्य भएको भन्दै पाहुनालाई मनैदेखि स्वागत गर्ने नेपाली संस्कारको प्रशंसा पनि गर्नुभयो ।

उद्घाटनका क्रममा उहाँले नेपालमा धार्मिक, सांस्कृतिक र प्राकृतिक विविधता रहेकोले विश्वमा विरलै देखिने दृष्य देख्न सकिने पनि बताउनुभयो ।

नेपालीहरुको अतिथि देवो भव: को भावना पर्यटकले सबैभन्दा धेरै रुचाउने पक्ष भएको भन्दै राष्ट्रपति भण्डारीले पर्यटकलाई आकर्षित गर्न भौतिक सुविधाको विस्तारमा पनि ध्यान दिनुपर्ने बताउनुभयो । यसैबीच उहाँले नेपाल भ्रमण वर्षको आधिकारिक मस्कटको रुपमा रहेको यतिको मस्कट प्रदर्शनीको पनि शुभारम्भ गर्नुभयो ।

उद्घाटन समारोहमा पाँच हजारभन्दा धेरै नागरिक सहितका सयौँ र्‍याली, लाखे नाच, विभिन्न जातजातिका झाँकी पनि प्रस्तुत गरिएकाे थियाे । चर्चित ब्याण्ड कुटुम्बका साथमा ३ सय भन्दा धेरै कलाकारले १ सय ८ वटा धून प्रस्तुत गरेका थिए। 

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu