सल्यानको त्रिबेणी गाउँपालिकाले बाख्राको साना ब्यवसायिक पकेट बिकास कार्यक्रम अन्तर्गत एक सहकारी संस्थालाई बाख्रा वितरण गरेको छ । त्रिवेणी गाउँपालिका वडा नम्बर ४ को नमुना सामाजिक उद्यमी महिला सहकारी सस्थालाई गाउँपालिका उपाध्यक्ष करुणा खड्का, वडा अध्यक्ष छबिराज शर्मा, वडा सदस्य पार्वती दर्लामी, सीता विष्ट, कृषि अधिकृत अमर बबालको उपस्थितिमा ६ वटा उन्नत बोका र २९ वटा स्थानीय जातका बाख्रा हस्तान्तरण गरिएको पशु शाखा प्रमुख बसन्त रावतले जानकारी दिनुभयो ।

साथै कृषकले अनुदानबाट सुधार १० वटा खोरको अनुगमन पनि गरिएको छ । यसअघि पनि गाउँपालिकाले कृषकहरुका लागी आवश्यक तालिम, परजीवी नियन्त्रण तथा भिटामिन बितरण गर्ने कार्यक्रम गरिरहेको छ ।