सल्यानका थप १ सय ३ जनामा कोरोना संक्रमण पुष्टि

सल्यानका थप १ सय ३ जनामा कोरोना भाइरसको संक्रमण पुष्टि भएको छ । जिल्ला अस्पताल सल्यान सँगै विभिन्न पालिकाहरुमा गरिएको कोरोना परिक्षणमा क्रममा पछिल्लो २४ घण्टामा जिल्लामा १ सय ३ जनामा कोरोना भाइरसको संक्रमण पुष्टि भएको स्वास्थ्य सेवा कार्यालय सल्यानले जनाएको छ ।

जसमा पिसिआर परिक्षणमा गर्दा ५८ जना र १ सय २ जनाको एन्टिजेन परिक्षणका क्रममा ४५ जनामा कोरोना भाइरसको संक्रमण पुष्टि भएको हो । यो सँगै जिल्लामा कोरोनाका संक्रिय संक्रमितको संख्या ६ सय ८३ पुगेको छ । यसमा २२ जना जिल्ला अस्पतालमा, २४ जना संस्थागत आइसोलेसनमा रु ६ सय ३१ जना होमआइसोलेसनमा रहेका छन् । आज मात्रै १९ जनाले कोरोनालाई डिस्चार्ज भएको स्वास्थ्य सेवा कार्यालय सल्यानले जनाएको छ ।