मेस्सीले ४ गोल गर्दा बार्सिलोनाको सानदार जित

एजेन्सी – कप्तान लियोनेल मेस्सीले ४ गोल गरेपछि स्पेनिस ला लिगा अन्तर्गत शनिबार बार्सिलोनाले एइबारमाथि ५-० को फराकिलो जित निकालेको छ ।

मेस्सीले पहिलो हाफमा नै ह्याट्रिक पूरा गरेका थिए । उनले खेलको १४ औं मिनेटमा इभान राकिटिचको पासमा गोल गर्दै सुरुवाती अग्रता दिलाए । ३७ औं मिनेटमा आर्टुुुरो भिडालको पासमा मेस्सीले अग्रता दोब्बर पारे । लगत्तै ४० औं मिनेटमा मेेेेस्सीलेे नै बार्सिलोनालाई ३-० ले अगाडी बढाए ।

दोस्रो हाफको ८७ औं मिनेटमा डेब्यु गरिरहेका मार्टिन ब्रेेथवेटको पासमा मेस्सीले चौथो गोल गरे । त्यसको दुई मिनेटपछि आर्थरले गोल गर्दै ५-० को जित पक्का गरे ।

यस जितसँगै बार्सिलोनाले २५ खेलमा ५५ अंक जोडेको छ । रियल २४ खेलमा ५३ अंकसहित दोस्रो स्थानमा छ । रियलले आज नै लेभान्तेसँग खेल्नेछ ।