फुटवल खेल प्रतीयोगितामा सुर्खेत राकम विजयी

   
त्रिवेणी अनलाइन
९ भाद्र २०७६, सोमबार १९:५३ मा
[Sassy_Social_Share total_shares="ON"]

दुर्गा वि.सी./भाद्र,९ हिन्दूहरुको पावन पर्व श्रीकृष्ण जन्माष्टमीको अवसर पारी सल्यानको बनगाड कुपिण्डे नगरपालिका वडा नं. १, सल्लीबजारको जनकल्याण युवा क्लबले आयोजना गरेको फुटबल प्रतियोगितामा सिम्ता गाउँपालिका, राकम, सुर्खेतको टिम विजयी भएको छ । भाद्र ६ गते सुरु भएको प्रतियोगिताको आज खेलिएको फाइनल खेलमा आयोजक जन कल्याण युवा क्लब, सल्लीबजारको टिम ‘ए’ लाई पेनाल्टी सुटआउटमा ४—३ गोल अन्तरले हराउँदै राकमको टिमले उपाधिसहित ट्रफी र रु. पचास हजार र प्रमाण पत्र हात पा¥यो । निर्धारित समयको खेल १—१ को बराबरीमा सकिएपछि पेनाल्टीमार्फत् विजेताको टुङ्गो लागेको थियो ।

पेनाल्टीमा राकमको टिमका पाँचमध्ये चार खेलाडीले गोल गरेका थिए भने आयोजक टिमका तीन खेलाडीको प्रहारले मात्र जाली चुमेको थियो । राकमका एक खेलाडीको प्रहार आयोजकका गोल किपरले रोक्दा आयोजकका दुई वटा प्रहारलाई राकमका गोल किपरले विफल पारेका थिए । खेलको १५ मिनेटभित्र क्रिस थापाको गोलमार्फत् अग्रता लिएको आयोजक अन्तिम ३ मिनेट सम्हालिन नसक्दा उपविजेतामा सिमित हुन पुग्यो । उपविजेता आयोजक टिमले रु. तीस हजार नगद तथा प्रमाण पत्र हात पा¥यो । निर्धारित समयको अन्तिम ३ मिनेट बाँकी रहँदा आयोजकका खेलाडीहरुको सुस्तताको फाईदा उठाउँदै राकमका हिक्मत खत्रीले गोल गर्दै खेल बराबरीमा ल्याएका थिए । प्रतियोगिताका उत्कृष्ट खेलाडी आयोजकका सुदिप गुरुङ घोषित हुँदा उत्कृष्ट गोल पनि आयोजककै विजय सिं ठकुरीको नाममा रह्यो ।

प्रतियोगिताका खेलाडीलाई प्रमुख अतिथि वनगाड कुपिण्डे नगर पालिकाका प्रमुख प्रशासकीय अधिकृत हरि बहादुर खत्री, वडा नं. १ का वडा अध्यक्ष शान्त कुमार यरी र आयोजक बाल कल्याण युवा क्लबका अध्यक्ष सन्देश यरीले पुरस्कार वितरण गर्नुभएको थियो । सल्यान जिल्लाका स्थानीय क्लबहरुका साथै सुर्खेत र बर्दिया जिल्लाका क्लबहरुको सहभागिता रहेको प्रतियोगितामा अधिकांश क्लबहरुले बाँके जिल्ला र सुदुरपश्चिम प्रदेशसम्मका खेलाडीहरु सहभागी गराएका थिए ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu