सल्यानमा जिप दुर्घटना २ जनाको मृत्यु १७ जना घाइते

सल्यानमा जिप दुर्घटना हुँदा २ जनाको मृत्यु भएको छ भने १७ जना घाइते भएका छन । जिल्लाको छत्रेश्वरी गाउँपालिका ५ तिर्थपोले स्थित भित्रि कच्ची सडकमा लेखपोखराबाट शारदा नगरपालिका १२ कागखोला आउँदै गरेको लु १ ज १८६१ नम्बरको जिप दुर्घटना भएको हो । मृत्यु हुनेमा शारदा नगरपालिका वडा नं. १२ तिमिले निवासी अन्दाजी ७६ वर्षीय धुर्बी बोहरा र शारदा नपा बरला बस्ने ४५ वर्षीय मुना सेजवाल रहेको जिल्ला प्रहरी कार्यलय सल्यानका सुचना अधिकारी गोपाल श्रेष्ठले जानकारी दिनुभयो । अन्य १७ जना घाईतेहरुको विभिन्न अस्पतालहरुमा उपचार भैरहेको छ ।
जिप सडकबाट करिब ६० मिटर तल खसेको छ ।