त्रिवेणी गाउपालिकाले गर्याे ५४ घरधुरीलाई सोलार बितरण

त्रिबेणी गाउँपालिका सल्यानले आर्थिक रुपमा विपन्न तथा दलित समुदायका परिवारलाई सौर्य उर्जा अन्तरगत सोलार सेट बितरण गरेको छ । त्रिबेणी गाउपालिकाको वडा नं ६ लुहाममा एक कार्यक्रमका बिच गाउपालिका अध्यक्ष मान बहादुर डांगीले उक्त सोलार सेट बितरण गर्नुभएको हो ।

गाउमा बिद्युत पुगेपनी आर्थिक अबस्था कमजोर भई मिटरबक्स समेत किन्न नसक्ने परिवारहरु भएकोले गाउपालिका भित्रका ६ वडाका प्रतेक वडा बाट ९ जना गरी ५४ घर परिवारलाई ५ वटा बल्भ तथा मोबाईल चार्ज गर्न सकिने ५० वाटको सोलार सेट बितारण गरिएको हो । यस अघि महंगो मुल्यमा मटितेल किनेर टुक्ली बाल्दै आएकी वडा नं. ६ कि बिमला नेपालीले आफुले सोलार पाएपछि खुसी भएको बताउनु भयो ।
यो कार्यक्रमलाई आगामी वर्ष पनि निरन्तरता दिने गाउपालिका अध्यक्ष मान बहादुर डागीले बताउनु भयो ।