लुहाम बजार सरसफाई

सल्यानको लुहाम बजार सरसफाई गरिएको छ । त्रिवेणी गाउँपालिका सल्यानको सहयोग तथा जिल्ला ट्राफिक प्रहरी कार्यालय सल्यानको आयोजनामा आज लुहाममा स्वच्छ सडक अभियान अन्तर्गत बजार क्षेत्र सरसफाई गरिएको हो ।
सरसफाई अभियानमा त्रिवेणी गाउँपालिका सल्यानका अध्यक्ष खिम बहादुर रावत, उपाध्यक्ष सिता खड्का पुन, ३ नम्बर वडाका वडाध्यक्ष कर्णदेव डांगी, वडा नं. ४ का वडाअध्यक्ष छबिराज शर्मा, वडा नं. ५ का वडाअध्यक्ष बिमल रावत, वडा नं. ६ का वडाअध्यक्ष मनोज शाह, वजार व्यवस्थापन समितिका अध्यक्ष वेद बहादुर सुनार स्थानीय व्यवसायीका साथै नेपाल प्रहरी , ट्राफिक प्रहरी र स्थानीयहरुको सहभागीता रहेको थियो ।