तुलसीपुरदेखि सल्यान जाँदै गरेको जीप दुर्घटना हुँदा ३ जनाको मृत्यु

तुलसीपुर,
२६-मंसिर/ तुलसीपुरबाट सल्यान जाँदै गरेको जीप दुर्घटनामा परेको छ । आईतबार तुलसीपुरदेखि सल्यान जाँदै गरेको रा १ ज ४३८ नं. को यात्रु वहाक जीप तुलसीपुर ३ श्रिखोला नजिकै अपरान्ह साढे चार बजे दुर्घटनामा परेको ईलाका प्रहरी कार्यालय तुलसीपुरले जनाएको छ ।

दुर्घटनामा परी मृत्यु हुनेमा कपुरकोट ३ बस्ने ४८ बर्षिय प्रेम प्रकास शर्मा, कपुरकोट ४ बस्ने सौनी घर्ति र लालमती खड्का रहेको प्रहरीले जनाएको छ । दुर्घटनामा परी १९ जना घाईते भएका छन् । घाईते मध्ये छ जनालाई थप उपचारका लागी नेपालगन्ज रिफर गरिएको छ भने १३ जनाको राप्ती प्रादेशिक अस्पताल तुलसीपुरमा उपचार भईरहेको छ ।