सल्यानमा बसको ठक्करबाट मोटरसाइकल चालकको मृ’त्युु

सल्यानको ढोरचौरबाट श्रीनगर तर्फ जाँदै गरेको ना ३ ख ९६४३ नम्बरको बसले श्रीनगरबाट बरलातर्फ जाँदै गरेको रा ३ प ८६६७ नम्बरको मोटरसाइकललाई ठक्कर दिदाँ मोटरसाइकल चालकको मृ’त्यु भएको जिल्ला प्रहरी कार्यालय सल्यानले जनाएको छ ।

मृत्यु हुने मोटरसाइकल चालक शारदा नगरपालिका ६ बरला निवासी ३० वर्षीय बिरेन्द्र भण्डारी भएको प्रहरीले जनाएको छ ।

घटनालगत्तै घाइते भण्डारीलाई जिल्ला अस्पताल सल्यान पुर्याइएपनि अस्पतालले मृत घोषणा गरेको हो ।

ठक्कर दिने बस चालक फरार भएको प्रहरीले जनाएको छ । बसलाई भने नियन्त्रणमा लिइएको छ ।