स्वास्थ्यकर्मीलाई कोरोना देखिएपछि सल्यान अस्पताल सिल

कात्तिक २८, सल्यान
चिकित्सक र स्वास्थ्यकर्मिमा कोरोना देखिएपछि जिल्ला अस्पताल सल्यान सिल गरिएको छ । जिल्ला अस्पताल सल्यानमा एक जना कार्यलय सहयोगी सहितचिकित्सक र स्वास्थ्यकर्मीमा कोरोना पोजिटिभ देखिएपछि आज २८ गते बाट मंसिर ६गते सम्म अस्पताल सिल गरिएको हो । बिहिवार आएको रिर्पोट अनुसार अस्पतालमा कार्यरत चिकित्सकसहित एक कार्यलय सहयोगीमा कोरोना पोजिटिभ देखिएको थियो ।

स्वास्थ्य कार्यालयका सल्यानका कोरोना फोकल पर्सन रिखाराम पुनका अनुसार अस्पतालमा ईमरजेन्सी र सामान्य सुत्केरी सेवाबाहेक अन्य सबै सेवा बन्द गरेको बताउनुभयो । संक्रमित डाक्टर तथा कर्मचारी होम आइसोलेसनमा राखिएको छ । जिल्लामा एक दर्जनभन्दा बढी डाक्टर र स्वास्थ्यकर्मी संक्रमित भइसकेको उहाँले बताउनु भयो । पछिल्लो समयमा जिल्लामा लक्षण सहितका कोरोना संक्रमित देखिन थालेका छन ।