सल्यानमा बाबु-छोरा बनेर नागरिकता लिएको आरोपमा ससुरा-ज्वाईँ पक्राउ

   
त्रिवेणी अनलाइन
२१ आश्विन २०७७, बुधबार ०८:४४ मा
[Sassy_Social_Share total_shares="ON"]

ज्वाईलाई छोरा भनेर नागरिकता बनाएको आरोपमा सल्यान प्रहरीले २ जनालाई पक्राउ गरेको छ । पक्राउ पर्नेमा सल्यानको छत्रेश्वरी गाउँपालिका वडा नम्बर ७ बस्ने ४६ बर्षिय मुस्ताज मियाँ र बबई गाउँपालिका वडा नम्बर ७ दाङ घर भई हाल सल्यान जिल्ला छत्रेश्वरी गाउँपालिका वडा नम्बर ७ बस्दै आएका वर्ष २३ का समीर मियाँ भन्ने ईमाम बक्स मियाँ रहेको जिल्ला प्रहरी कार्यालय सल्यानले जनाएको छ ।

इँमाम बक्स मियाँ नाताले मुस्ताजका ज्वाईँ हुन् तर छोरा बनेर नागरिकता लिए । इँमामको घर दाङ हो उनका बुवा विसमुल्ला मियाँ हुन् । दाङबाट पटक पटक नागरिकताको लागि पहल गर्दा र सिफारिस गर्दा समेत उनको नागरिकता नबनेपछि उनी ससुरालाई बुवा बनाएर नागरिकता लिन सल्यान आए ।

छत्रेश्वरी गाउँपालिका वडा नम्बर ७ को सिफारिसमा उनले २०७५ साल भाद्र २४ गते मुस्ताज मियाँको छोरा समीर मियाको नाममा नागरिकता लिएको प्रहरीले जनाएको छ । समीर मियाँको नामबाट नागरिकता लिए पनि उनको वास्तविक नाम भने ईमाम बक्स मियाँ हो । दुवैजनालाई नेपाल नागरिकता ऐन २०६४ (संशोधन सहित) बमोजिम आज जिल्ला अदालत सल्यानबाट १५ दिनको म्याद थप गरी अनुसन्धान कार्य भइरहेको जिल्ला प्रहरी कार्यालय सल्यानले जनाएको छ ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu