सल्यानमा थप ६ जनामा कोरोना पुष्टि

भदौ १४, सल्यान
पछिल्लो २४ घण्टामा सल्यानमा ६ जनामा कोरोना पुष्टि भएको छ । प्रदेश अस्पताल, पशुपंक्षी रोग अन्वेषण प्रयोगशाला सुर्खेत र चौरजहारी नगरपालिका प्रयोगशाला रुकुम पश्चिममा गरिएको परीक्षणमा छ जनामा कोरोना पुष्टि भएको हो ।

प्रदेश अस्पताल, पशुपंक्षी रोग अन्वेषण प्रयोगशाला सुर्खेतमा गरिएको परीक्षणमा बनगाड कुपिण्डे नगरपालिका १ का ३२ वर्षीय पुरुष र वडा न ५ का १९ वर्षीय पुरुषमा कोरोना पुष्टि भएको छ ।

चौरजहारी नगरपालिका प्रयोगशाला रुकुम पश्चिममा गरिएको परीक्षणमा कुमाख गाउँपालिका वडा न १ का २५, २७, ४७ र ४० वर्षका पुरुषमा कोरोना पुष्टि भएको सामाजिक विकास मन्त्रालय स्वास्थ्य महाशाखाले जनाएको छ ।

भारतका आएका सबै क्वारेनटाइनमा बस्दै आइरहेको स्वास्थ्य कार्यालय सल्यानले जनाएको छ । कुमाख गाउँपालिकाका ४ संक्रमितलाई लुहापिङ आइसोलेसन र बनगाडका २ जनालाई बनगाडकै आइसोलेसनमा राखिएको स्वास्थ्य कार्यालय सल्यानले जनाएको छ । यससँगै सल्यानमा कोरोना संक्रमितको सख्ंया २ सय ९९ पुगेको छ ।