सल्यानका थप ६ जनामा कोरोना पुष्टि, संक्रमितको संख्या २५७ पुग्यो

सल्यानमा सोमबार थप ६ जनामा कोरोना पुष्टि भएको छ । प्रदेश अस्पताल, पशुपंक्षी रोग अन्वेषण प्रयोगशाला सुर्खेतमा गरिएको परीक्षणमा ६ जनामा कोरोना संक्रमण पुष्टि भएको हो । 

संक्रमित सबै बनगाड कुपिण्डे नगरपालिकाका रहेका छन् । प्रदेश अस्पताल, पशुपंक्षी रोग अन्वेषण प्रयोगशाला सुर्खेतका अनुसार बनगाड कुपिण्डे नगरपालिका वडा न ६ का १३,२०, २५ वर्षका पुरुष, २४ र ३२ वर्षीया महिला, वडा न ७ का २४ वर्षीय एक पुरुष रहेका छन् । 

सोमबार थपिएका ६ संक्रमित सहित सल्यानमा संक्रमितको संख्या २ सय ५७ पुगेको छ । थपिएका सबै क्वारेनटाइनमा बस्दै आइरहेको र सबैलाई बनगाड कुपिण्डे नगरपालिकाको आइसोलेसनमा राखिएको नगरपालिकाले जनाएको छ ।