सल्यानमा थ्रेसरमा पर्दा दुवै हात काटियो

   
त्रिवेणी अनलाइन
१६ बैशाख २०७७, मंगलवार १६:१७ मा
[Sassy_Social_Share total_shares="ON"]

सल्यान १६ वैशाख, गहुँ दाँइ लगाउने क्रममा थ्रेसर मेसिनले सल्यानका एक किसानको दुवै हात काटेको छ । जिल्लाको छत्रेश्वरी गाउँपालिका ३ झिम्पे पातिहाल्न निवासी ४० वर्षीय निम बहादुर योगीको गहुँ मिर्ने मेसिनले दुवै हात छिनालेको हो । काटेको गहुँ मेसिनमा राखेर दाँइ लाउने क्रममा एकजना किसानको दुवै हात काटेको हो ।

सोमबार रातीसबै स्थानीयले गहुँ दाँइ लाउनका लागि मेसिन बोलाएका थिए । केहिदिन अघि खेतमा काटेको गहुँ वर्षातको कारण दाँइ लाउन हतार भएपछि उनिहरुले दिनभरि मेसिन कुरेर राती पातिहाल्नमा मिसिन बोलाएर गहुँ दाँइ लाउदा सो घटना भएको वडा अध्यक्ष राज बहादुर बुढाथोकीले बताए । अध्यक्ष बुढाथोकीका अनुसार राति एक बजे गहुँ दाँइ लाउनको लागि किसान योगीको पालो आएको थियो ।

सोहि क्रममा उनले हतार हतारमा गहुँका मुठा मेसिनमा राख्दा दुवै हात मेसिनको भित्र पुगेपछि मेसिनले हात काटेको हो । उपचारको लागि उनलाई श्रीनगरबाट नेपालगन्ज रिफर गरिएपनि त्यहा उपचार हुन नसकेर काठमाडौं लिने तयारी भैरहेको छ । उनको अवस्था अहिले गम्भीर भएको अध्यक्ष बुढाथोकीले बताए ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu