सल्यानमा आफ्नै छोराले गरे बाबुको हत्या

बैशाख १४ सल्यान
सल्यानमा छोराले आफ्नै बाबुको हत्या गरेका छन् । जिल्लाको सिद्ध कुमाख गाउँपालिका २ कुइयाझोलका अन्दाजी २१ वर्षिय सुरज विकले ५१ वर्षिय बाबु बुदे कामीको हत्या गरेका हुन ।

शनिबार बेलुका साढे ७ बजे सुरजले बाबुलाई हत्या गरेको जिल्ला प्रहरी कार्यालय सल्यानले जनाएको छ । हत्याको आरोपमा छोरा सुरजलाई नियन्त्रत्रणमा लिइएको जिल्ला प्रहरी कार्यालय सल्यानका प्रहरी प्रमुख डिएसपी ढकेन्द्र खतिवडाले जनाएका छन।

अहिले प्रहरी घटनास्थलमा पुगेर मुचुल्का उठाउने काम भइरहेको बताएको छ । मृत्तक बुदे कामीको मुचुल्का पछि पोष्टमार्टमका लागि सल्यान जिल्ला अस्पताल ल्याइने प्रहरी प्रमुख खतिवडाले बताए ।
निज सुरजले यहि वैशाख १ गते आमाको पनि हात भाँचेको प्रहरीको भनाई छ ।
हत्याको कारण भने नखुलेको र अनुसन्धान अगाडि बढाएको प्रहरिले बताएको छ।