सल्यानमा माइती जान हिडेकी महिला दुई दिन पछि मृत्त फेला

वैशाख ४, सल्यान
सल्यानमा घरबाट माइती जान हिडेकी एक महिला मृत्त फेला परेकी छन् ।
जिल्लाको छत्रेश्वरी गाउँपालिका ७ पानीखोलाकी २० वर्षिया सुशिला बुढाथोकी बिहिबार मृत्त फेला परेकी हुन । दुई गते दिउँसो घरबाट माइती जान्छु भनेर हिडेकी बुढाथोकी रुखमा झुन्डिएको अवस्थामा फेला परेको जिल्ला प्रहरी कार्यालय सल्यानले जनाएको छ ।

बुढाथोकी माइतमा नपुगेपछि स्थानीय र आफन्तले खोजी गरी रहेका थिए । खोजी गर्ने क्रममा माइती गाउँ नजिकैको जंगलमा मृत्त फेला परेको प्रहरीले बताएको छ । घटनाको बारेमा अनुसन्धान भईरहेको प्रहरीको भनाई छ ।