रनिङ्ग शिल्डको उपाधि जनता मावि रागेचौरलाई

संजिब शर्मा, फागुन २१, सल्यान  
स्थानीय स्तरिय राष्ट्रपति रनिङ शिल्ड प्रतियोगिताको उपाधि श्री जनता मा.वि. रागेचौरले जितेको छ । चारदिनसम्म चलेको प्रतियोगितामा जनता मा.वि. रागेचौरले  ९स्वर्ण, ५ रजत र २ कास्य सहित उपाधि जितेको हो । 
यस्तै श्री नारायण मा.वि. रुमालगाउँ दोस्रो भएको छ । उक्त विद्यालयले ९ स्वर्ण, ४ रजत र ३ कास्य हात पारी दोस्रो भएको हो । बुद्ध जनकल्याण मा.वि. बडागाउँ ४ स्वर्ण, ५रजत र २ कास्य सहित तेस्रो भएको छ । राष्ट्रपति रनिङ शिल्डमा कुमाखका ११ वटा मा.वि. विद्यालयहरुले सहभागी जनाएका थिए।  । 
प्रतियोगितामा प्रथम, दित्तिय, तितृय र सान्त्वना हुने विद्यालय र खेलाडीहरुलाई गाउँपालिका अध्यक्ष दिलमाया बुढा मगरले रनिङ शिल्ड, ट्रफि, मेडल र प्रमाण पत्र प्रदान गर्नुभएको थियो । । कुमाख गाउँपालिकाको फिल्ड मा १८ गतेबाट सुरु भएको खेल बुधबार सम्पन्न भएको हो ।