त्रिबेणीमा घाईते अबस्थामा भेटिएको रतुवालाई उपचार गरि जंगलमा छोडियो

सल्यान १७, फागुन ।
सल्यानमा घाईते अबस्थामा भेटिएको रतुवाको उपचार पश्चात जंगलमा छोडिएको छ । जिल्लाको त्रिबेणी गाउपालिका स्थित सल्लेखोलामा शुक्रबार घाईते अबस्थामा भेटिएको रतुवाको उपचार पश्चात शनीबार आज जंगलमा छोडिएको डिभिजन बन कार्यालय सल्यानले जनाएको छ ।

हिमाली सामुदायिक बन अन्र्तगत सल्लेखोलामा कुकुरले लखेटिरहेको अबस्थामा स्थानियले रतुवाको उद्धार गरेर त्रिबेणी सवडिभिजन बन कार्यालय लुहाममा बुझाएका थिए । घाईते रतुवालाई डिभिजन वन कार्यालयमा ल्याएर उपचार पश्चात आज सम्बन्धित बनमा नै छोडिएको निमित्त डिभिजनल बन अधिकृत मनोज शर्मा लम्सालले जानकारी दिनुभयो ।

यदाकता बिगतमा स्थानियले जंगली जनावरको चोरी सिकारी गर्दै आएका छन् । तर जंगली जनावरको चोरी सिकारी गर्दा कानुनी कारबाही हुने भएपछि पछिल्लो समय स्थानियले जंगली जनावरको संरक्षण गर्दै आएका छन् ।