नेकपा मालेका महासचिव मैनाली कार दुर्घटनामा, अवस्था गम्भीर

काठमाडौं, १५ फागुन । नेकपा (माले)का महासचिव सीपी मैनाली कार दुर्घटनामा पर्नुभएको छ ।

विहीबार महोत्तरीको बर्दिबासस्थित रातुको पुलमा मैनालीको चढ्नुभएको बा ४ च २१२० नम्बरको कार र विपरित दिशाबाट आइरहेको ना ४ ख ७६६८ नम्बरको पिकअफ भ्यान एक–आपसमा ठोक्किँदा दुर्घटना भएको हो ।

इलाका प्रहरी कार्यालय बर्दिबासका प्रमुख डिएसपी राजकुमार चापागाईंका अनुसार मैनालीको बर्दिबासस्थित जनसेवा अस्पतालमा उपचार भइरहेको छ ।

मैनालीको अवस्था गम्भीर रहेको प्रहरीले जनाएको छ । मैनालीको टाउको र छातीमा चोट लागेको बताइएको छ ।

थप उपचारका लागि काठमाडौं ल्याउन हेलिकप्टर मगाइएको बताइएको छ ।