यात्रुहरुको सुरक्षाका लागि सल्यानमा ‘एक गाडी एक स्टिकर’ अभियान,

   
त्रिवेणी अनलाइन
११ फाल्गुन २०७६, आईतवार ०८:०५ मा
[Sassy_Social_Share total_shares="ON"]

 यात्रुहरुको सुरक्षित यात्राको लागि सल्यानमा एक सवारी साधन एक स्टिकर अभियान संचालन गरिएको छ । सल्यान जिल्लाबाट जिल्ला भित्र र जिल्ला बाहिर छुट्ने लामो तथा छोटो दुरीका सम्पूर्ण सवारी साधनमा स्टिकर टाँसिने भएको छ ।

शुक्रबारबाट स्टिकर गाडीहरुमा टाँसेर अभियानको सुरुवात गरिएको हो । छत्रेश्वरी गाउँपालिकाको आर्थिक सहयोगमा जिल्ला प्रहरी कार्यालय सल्यानले अभियानको संचालन गरेको हो ।

यात्राको समयमा कोही कतैबाट पनि यात्रा अवधिभर सहज ढंगले यात्रा गर्नु नपरोस र सवारी दुर्घटना न्युनिकरण गर्न यस्तो अभियान सञ्चालन गरिएको जिल्ला प्रहरी कार्यालय सल्यानका प्रहरी प्रमुख ढकेन्द्र खतिवडाले बताए । सास्तिपूर्ण यात्रा भोगिरहेका यात्रु प्रत्यक्ष लाभान्वित हुने लक्ष सहित अभियान सञ्चालन गरिएको उनको भनाई छ ।

स्टिकरमा सवारी साधनमा महिलामाथि यौनहिंसा, दुव्र्यवहार भएमा, चालक सहचालकले मापासे गरेमा, अभद्र व्यबहार गरेमा बढी भाढा असुली गरेमा जिल्ला स्थित सम्प्र्ण प्रहरी युनिटहरुको स्थायी फोन नम्बर र प्रमुख जिल्ला अधिकारीको स्थायी नम्बरमा फोन गर्न अनुरोध गरिएको छ ।

यस्तै क्षामता भन्दा बढी यात्रु बोकेमा, सहचालकले सवारी चलाएमा, चालकले लापरवाही गरेमा, लामो दुरीमा एकै जना चालकले मात्र सवारी चलाएमा, आरक्षण सिटको कार्यन्वयन नगरेमा तथा कुनै पनि ट्राफिक नियम उलंघन गरेमा, चेकजाँचको क्रममा प्रहरीले दुव्र्यबहार गरेमा, शंकास्पद व्यक्ति वा फेला परेमा तत्काल स्टिकरमा लेखिएको नम्बरमा फोन गर्न आग्रह गरिएको छ ।

त्यस्तै स्टिकरमा जिल्लाका प्रमुख पर्यटकिय स्थलहरुको फोटो समेत समावेश गरिएको छ । “घुम्न जाऔं सल्यान” नाम दिएर जिल्लाका प्रमुख पर्यटकिय स्थल कुपिण्डे ताल, खैराबाङ मन्दिर, छत्रेश्वरी शक्तिपिठ, सल्यानको सबैभन्दा अग्लो जथाक लेक, शंखमुलमा बन्न लागेको नेपालकै सबैभन्दा ठुलो शंखको नमुना राखिएको छ ।

सवारी साधनमा सहज यात्राका साथै जिल्लाको आन्तरिक तथा वाह्रय पर्यटन प्रवद्धनमा यस अभियनले साथ दिने छत्रेश्वरी गाउँपालिका अध्यक्ष सन्तोष केसीले बताए ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu