सिद्धकुमाख गाउपालिका ४ नम्बर वडाकार्यालय भवनको शिलन्यास

सल्यान १०, मंसिर ।
सल्यानको सिद्धकुमाख गाउपालिका ४ नम्बर वडाकार्यालयको भवन निर्माण कार्य शुरु भएको छ । बहुबर्षिय योजना अन्र्तगत वडाकार्यालयको भवन निर्माणको काम शुरु भएको हो । भवन निर्माणका लागी वडा नम्बर ४ खार्बन कै स्थानिय चेतु सुनार, गुमानसिंह सुनार र देबेन्द्र रोकाले जग्गादान गरेका थिए । रु. १ करोड ८३ लाख रुपैँयाको लागतमा भवन निर्माणको काम शुरु भएको गाउपालिकाका सुचना अधिकारी भिम भण्डारीले जानकारी दिनुभयो ।

भवन निर्माणको जिम्मा प्रकृति÷निसान निर्माण कम्पनीले लिएको छ । यसैबिच भवनको मंगलबार शिलन्यास गरिएको छ । गाउपालिकाका प्रमुख प्रशासकिय अधिकृत चिन्तामणी रेग्मीले भवनको शिलन्यास गर्नुभएको हो । सो अबशरमा उहाँले तोकिएको समयमा गुणस्तरीय काम गर्न निर्माण कम्पनीलाई निर्देशन दिनुभएको छ ।

पछिल्लो समय सिद्धकुमाख गाउपालिकाले भौतिक संरचना निर्माणलाई प्राथामिकता दिएको छ । अहिले गाउपालिकाको भवन र ३ नम्बर वडा कार्यालयको भवन निर्माण कार्य जारी रहेको छ । यस्तै वडा नम्बर २ को भवन निर्माणको प्रक्रियामा रहेको छ भने अन्य वडा कार्यालयहरु पूराना भौतिक संरचनाहरु बाट नै सञ्चालन भैरहेका छन् ।