‘घुम्न जाऔँ तुलसीपुर’अभियान शुरु

तुलसीपुर
२४ असोज / तुलसीपुरमा भएका पर्यटकिय स्थलहरुको  प्रचारप्रसारका लागि ‘घुम्न जाऔँ तुलसीपुर’अभियानको शुरुवात गरिएको छ ।

सन २०२० को पर्यटन वर्षलाई सफल बनाउन नगरप्रमुख घनश्याम पाण्डेले ‘घुम्न जाऔँ तुलसीपुर’ अभियानको आज उद्घाटन गरेका छन ।तुलसीपुरलाई समृद्ध नगर बनाउनका लागि यो अभियानको शुरुवात गरिएको बताएका छन ।

दाङमा पर्यटनको ठूलो संभावना रहेको हुँदा दाङमा भएका पर्यटकिय स्थलहरुको प्रचार प्रसार गरे आन्तरिक तथा बाह्य पर्यटन बढाउन सकिने बताएका छन । अभियानमा मनराज पुन र बसन्त भण्डारी तुलसीपुरमा भएका पर्यटकिय स्थलहरुको पर्चा सहित मोटरसाइकल यात्रामा निस्किएका छन । नेपालका करिब ५५ जिल्लामा घुमेर पर्यटकिय स्थलहरुको प्रचार प्रसार गर्ने छन । त्यसअवसरमा सिंगापुरमा सम्पन्न एसिया प्यासीफीक फेसन एण्ड फ्रेण्डसिपका बिजेता यान्शु श्रेष्ठलाई सम्मान गरिएको छ ।