श्रीमती र छोरीको गोली हानी हत्या

   
त्रिवेणी अनलाइन
२४ आश्विन २०७६, शुक्रबार १२:३८ मा
[Sassy_Social_Share total_shares="ON"]

सिन्धुली – सिन्धुलीको गोलान्जोर गाँउपालिका–६ नाकाझोलीका टेकबहादुर मश्राङ्गीले रक्सी खाएर श्रीमती र छोरीको गोली हानी हत्या गरेका छन् ।

बिहीबार राति करिब ११ बजे घरायसी विषयमा सामान्य विवाद हुँदा टेकबहादुरले आफूसँग भएको भरुवा बन्दुक पड्काएर सुतिरहेको अवस्थामा ४५ वर्षीया श्रीमती किरण र १७ वर्षीया छोरी प्रेमसुको हत्या गरेको प्रहरीले जनाएको छ ।

टेकबहादुरले श्रीमती र छोरीको हत्यापछि १९ वर्षीय छोरा कृष्णमाथि खुकुरी प्रहार गर्दा उहाँको दायाँ हातमा चोट लागेको जिल्ला प्रहरी कार्यालय सिन्धुलीका प्रहरी नायब उपरीक्षक (डीएसपी) लोकदर्शन थापाले जानकारी दिनुभयो ।

कृष्णलाई उपचारका लागि सदरमुकाम सिन्धुलीमाढीमा रहेको जिल्ला अस्पतालमा ल्याइएको छ । टेकबहादुर मश्राङ्गीलाई पक्राउ गरी घटनाबारे अनुसन्धान भइरहेको प्रहरीले जनाएको छ । 

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu