त्रिवेणी गाउँपालिकामा सुनौला हजार दिनका २८ आमाहरूलाई ५६ वटा बाख्रा बितरण

सल्यानको त्रिवेणी गाउँपालिकाले बहुक्षेत्रीय पोषण कार्यक्रम अन्तर्गत सुनौला हजार दिनभित्रका आमाहरूको आयआर्जन सुधार ल्याउन लागि प्रगतिशील महिला समुहका २८ जना आमाहरुलाई ५६ वटा बाख्रा बितरण वितरण गरेको छ । कार्यक्रममा बोल्दै प्रमुख अतिथि रहुन भएको गाउँपालिका उपाध्यक्ष सीता खड्का पुनले बाख्रा पालनले आम महिलाहरुको आयआर्जनमा वृद्धि गर्न यस्ता कार्यक्रमले टेवा पुग्ने उहाँले विश्वास व्यक्त गर्नुभएको छ । महिलाहरु गाउँ समाजमा आर्थिक रुपमा कमजोर भएकै कारण हिंसा, अन्यायमा पर्ने गरेको देखिएको बताउँदै यस्ता कार्यक्रमले आर्थिक पाटो सुदृढ बनाउन सकिने बताउनुभयो ।

त्रिवेणी गाउँपालिका ४ नम्बर वडा अध्यक्ष छबिराज शर्माको अध्यक्षता भएको कार्यक्रममा बोल्दै महिलाहरुको जीवनस्तरलाई माथि उकास्न आफुहरुले यस्ता कार्यक्रमहरु निरन्तरता दिएका बताउनु भयो ।