कांग्रेसको १६ जिल्लाको अधिवेशन स्थगित

१६-मंसिर/ नेपाली कांग्रेसले १६ वटा जिल्लाको अधिवेशन स्थगित भएको जनाएको छ । केन्द्रीय निर्वाचन समितिले विज्ञप्ति जारी गरेर अधिवेशन हुन बाँकी रहेका १६ जिल्लाको अधिवेशन स्थगित गरिएको जनाएको हो ।

‘आजका मितिसम्म जिल्ला अधिवेशन सम्पन्न हुन बाँकी रहेका जिल्लाहरूको जिल्ला कार्यसमितिको निर्वाचनलगायत जिल्ला अधिवेशनका सम्पूर्ण कार्यक्रमस्थगित गरिएको छ,’ विज्ञप्तिमा उल्लेख छ । १६ जिल्लाको अधिवेशन अब १४औं महाधिवेशनपछि मात्रै गर्ने निर्णय भएको केन्द्रीय निर्वाचन समितिले जनाएको छ ।

जिल्लाहरूको अधिवेशनको कार्यतालिका महाधिवेशनपश्चात नै केन्द्रीय निर्वाचन समितिले निर्धारण गर्नेछ ।