सरकार र विप्लव नेकपाबीच ३ बुँदे सहमति, प्रधानमन्त्री ओली र विप्लव एउटै मञ्चबाट संयुक्त सम्बोधन गर्ने

त्रिवेणी अनलाइन

२० फाल्गुन २०७७, बिहीबार १६:५२ मा

काठमाडौँ – सरकार र नेत्रविक्रम चन्द विप्लव नेतृत्वको नेकपाबीच तीनबुँदे सहमतिपत्रमा हस्ताक्षर भएको छ ।
सहमतिपत्रमा विप्लव समूहका नेकपाले आफ्ना सम्पूर्ण राजनीति विषयहरु संवाद बाट टुङ्गो लगाउने, राजनीतिका क्रियाकलापहरु शान्तिपूर्ण ढंगबाट सञ्चालन गर्ने र सरकारले लगाएको प्रतिबन्ध फुकुवा गर्ने उल्लेख गरिएको छ । सरकारी वार्ता टोलीका संयोजक गृहमन्त्री रामबहादुर थापा र नेकपाका प्रवक्ता खड्गबहादुर विश्वकर्माले सहमतिपत्रमा हस्ताक्षर गर्नुभएको छ । सहमतिको विस्तृत विवरण शुक्रबार दिउँसो २ बजे विशेष समारोहमा सार्वजनिक गरिने बताइएको छ । सरकारी वार्ता टोलीका सदस्य राजन भट्टराईका अनुसार राष्ट्रिय सभागृहमा विशेष समारोह आयोजना हुने छ । सोही समारोहबाट सहमतिको विस्तृत विवरण सार्वजनिक गरिने छ । समारोहमा प्रधानमन्त्री केपी ओली र विप्लवले सम्बोधन गर्ने तयारी छ ।

सहमतिमा विप्लव नेतृत्वको नेकपाले आफ्ना सम्पूर्ण राजनीतिक क्रियाकलापहरु शान्तिपूर्ण रुपमा सन्चालन गर्ने उल्लेख छ । साथै सरकारले विप्लव समूहमाथि लगाएको प्रतिबन्ध हटाउने सहमति भएको छ । हत्या हिंसामा लागेको भन्दै सरकारले विप्लव समूहमाथि २८ फागुन २०७५ मा प्रतिबन्ध लगाएको थियो ।

सरकार र विप्लवबीच भएको सहमतिपत्र :