सल्यानका ट्राफिक प्रहरी पोष्टहरुमा यात्रु सहायता कक्ष स्थापना

सल्यानमा यात्रु सहायता कक्ष स्थापना गरिएको छ । नजिकिदै गरेको वडा दशै, दिपावली तथा छठ पर्वको अवसरमा हुने यात्रु बर्गहरुको चापलाई व्यवस्थित गर्न सिमा नाकाहरुमा यात्रुहरु माथि दुर्ब्यवहार हुन नदिनको लागि यात्रु सहायता कक्ष स्थापना गरिएको हो । यात्रुहरुलाई आवत जावतमा सहज वातावरण मिलाउन,सार्वजनिक यातायातका सवारीहरुमा यात्रुहरुलाई हुन सक्ने हैरानी, बढी भाडा अशुली तथा असहजता व्यवस्थापन गर्न र सुरक्षित यात्रा गराउनको लागी सल्यान जिल्ला शारदा नगरपालिका वडा नं १ श्रीनगर बसपार्कमा यात्रु सहायता कक्ष स्थापना गरिएको हो । यात्रु सहायता कक्ष स्थापना गरि जिल्ला ट्राफिक कार्यालय सल्यानका प्रमुख प्रहरी सहायक निरीक्षक सन्दीप बि क र शीतलपाटि ईलाका प्रहरी कार्यालय श्रीनगरका प्रहरी नायब निरीक्षक दत बहादुर मल्ल बाट विधिवत रुपमा यात्रु सहायता कक्ष संचालन गरिएको छ ।