पैयाखोरेमा जिप दुर्घटना हुदा एक युवतीको मृत्यु

पाैष ४ सल्यान

दाङ सल्यान सडक खण्डकाे पैयाखाेरेमा जिप दुर्घटना हुदा एक जनाको ज्यान गएको छ भने ६ जना घाईते भएका छ्न । दाङ तुलसीपुरबाट सल्यानको फलाबाङ जादै गरेको रा १ ज ८२२ नम्वरको जिप तुलसीपुर ३ पैयाखोरेमा आज दिउँसो अढाई बजे दुर्घटना हुदा सल्यान कपुरकोट गाउँपालिका वडा नम्वर ४ गाडापानी बस्ने २० वर्षिया सिता बुढाथोकीको घटनास्थलमै निधन भएको प्रहरीले बताएको छ ।
दुर्घटनामा परि ६ जना घाईते भएको भनेता पनि विस्तृत विवरण आउन भने बाँकी रहेको प्रहरीले बताएको छ । घाईतेहरुको राप्ती प्रादेशिक अस्पताल तुलसीपुरमा उपचार भईरहेको छ । उनीहरुको अवस्था सामान्य रहेको बताईएको छ । जिप चालक भने फरार रहेको जनाईएको छ ।