मेयर र उपमेयर पक्षबीचको झडपमा घाइते भएका स्थानीयको मृत्यु, मेयरमाथि कारबाहीको माग

   
त्रिवेणी अनलाइन
१९ भाद्र २०७६, बिहीबार ११:०३ मा
[Sassy_Social_Share total_shares="ON"]

धनुषा – हंशपुर नगरपालिका कार्यालय सार्ने विषयमा भएको झडपमा परी गम्भीर घाइते भएका एक स्थानीयको उपचारको क्रममा ज्यान गएको छ ।

ज्यान गुमाउनेमा हंशपुर नगरपालिका – २ का स्थानीय ५५ तपेश्वर मण्डल रहेका छन् । मण्डलको जनकपुर अंचल अस्पतालमा उपचारको क्रममा बुधबार साँझ ज्यान गएको हो ।

वडा नम्बर २ बघचौडामा रहेको नगरपालिकाको कार्यालय मेयर रामज्ञान मण्डल बस्दै आउनुभएको वडा नं. ३ को बेल्हीमा सार्न खोजेपछि उपमेयर रेणु झाले अवरोध गर्दा २ समूहबीच गएको साउन २१ गते झडप भएको थियो । त्यस क्रममा प्रहरीले हस्तक्षेप गर्दा उपमेयर समूह र प्रहरीबीच समेत झडप भएको थियो ।

झडपको क्रममा प्रहरीको लाठीचार्जबाट उपमेयर झासहित ६ जना घाइते भएका थिए । गम्भीर घाइते भएका उपमेयर पक्षका मण्डलको उपचारको क्रममा झण्डै एक महिनापछि ज्यान गएको हो ।

घाइते मण्डलको ज्यान गएपछि उपमेयर पक्षले मेयरमाथि कारबाही गर्न माग गर्दै मंगलबार साँझ जनकपुर अञ्चल अस्पताल परिसरमै प्रदर्शन गरेका थिए ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu