सल्यानका ३५ प्रतिशत घरमा विद्युतिकरण, ३ बर्ष भित्र जिल्लाभर विद्युत

   
त्रिवेणी अनलाइन
३ भाद्र २०७६, मंगलवार ०९:५५ मा
[Sassy_Social_Share total_shares="ON"]

बुद्धि पुन, भाद्र ३, सल्यान ।
सल्यानका अधिकांश नागरिकहरु विद्युतको पहुँच बाहिर रहेका छन् । नेपाल लोडसेडिङ मुक्त घोषणा भैसकेको छ, भने नेपालमा उत्पादन भएको बिद्युत बढी भएर भारतसगै तेस्रो मुलुकमा निर्यात गर्ने सरकारले तयारी गरिरहेको छ । तर सल्यानका अधिकांश नागरिकहरु भने बिद्युतको पहुँच बाहिर रहेका हुन् ।
अहिले जिल्लाका ६० देखी ६५ प्रतिशत नागरिक अझै बिद्युक्तको पहुँच बाहिर रहेका छन् । उनीहरुले बर्षौ देखी सौर्य ऊर्जा, टुकी तथा झर्को (दियालो) प्रयोग गर्दै आएका छन् । जसका कारण घर उज्यालो बनाउन, बिभिन्न उद्योग ब्यबसाय सञ्चालन गर्न समस्या भएको छ । नेपाल बिद्युत प्राधिकरण सल्यान बितरण केन्द्रका अनुसार जिल्लामा १० हजार ५ सय २५ बिद्युत ग्राहक छन् ।

केन्द्र प्रमुख अर्जुन पोख्रेलले अहिले सम्म जिल्लाका करिब ३५ देखी ४० प्रतिशत घरधुरी मात्रै बिद्युक्तको पहुँचमा रहेको बताए । उनले अबको तीन बर्षमा सबै सल्यानी बिद्युतको पहुँचमा पुग्ने बताए । ‘बिद्युतको क्षेत्रमा हाल भित्रिएको जसरी रकम तीन बर्ष सम्म लगातार भित्रिएमा सल्यानका सबै क्षेत्रहरुमा ३ बर्षमा बिद्युतिकरण सम्पन्न हुन्छ’ उनले भने—‘गत बर्षको १४ करोड ८० लाख रुपैँया बजेटले बिद्युक्तिकरणको काम भैरहेको छ ।’ अहिले जारी रहेको काम सम्पन्न भएमा नयाँ करिब ५ हजार घरधुरीमा बिद्युक्तिकरण सम्पन्न हुने उनको भनाई छ ।

सल्यान प्रदेशसभा ख बाट निर्बाचित कर्णाली प्रदेश सरकारका आर्थिक मामिला तथा योजना मन्त्री प्रकाश ज्वालाले अब जिल्लामा ७० करोड रुपैँया भित्रिएमा सबै बस्तीमा बिद्युक्त पुग्ने बताए  । गत बर्ष र यस बर्ष गरेर केन्द्रको १८ करोड, प्रदेशको ७ करोड र स्थानिय तहहरुको ७ करोड रुपैँयाबाट अहिले बिद्युक्त बिस्तारको काम भैरहेको उनको भनाई छ ।

बिगतका बर्षहरुमा जिल्लामा पूर्बाधार बिकासको लागी अत्यन्तै कम बजेट आउने गरेकाले जिल्लामा बिद्युक्त बिस्तार सुस्त गतिमा भएको उनले बताए  ।
उनले देश संघियतामा गएसँगै जिल्लामा बजेट अत्यधिक मात्रामा भित्रिएको बताए । स्थानिय, प्रदेश र केन्द्र सरकारको अहिलेको बजेट बिद्युक्त बिस्तारको क्षेत्रमा केन्द्रित भएकाले अबको २।३ बर्षमा जिल्लाबासी सबै बिद्युक्तको पहुँचमा पुग्ने उनको भनाई छ ।

बिद्युत महशुल नतिर्ने ३० ग्राहक कालो सुचीमा
सल्यानमा बिद्युत महशुल नतिर्ने ३० जना ग्राहक कालोसुचीमा परेका छन् । बिगत लामो समय देखी बिद्युतको महशुल नतिर्ने ३० जना ग्राहक बिद्युत कार्यालयको कालो सुचीमा परेका हुन् । कालो सुचिमा परेका ग्राहकबाट २ लाख १९ हजार ९ सय ३९ रुपैँया बख्यौँता उठान बाँकी रहेको नेपाल बिद्युक्त प्राधिकरण सल्यान बितरण केन्द्रले जनाएको छ ।

कालो सुचीमा पर्नेहरुमा सबैभन्दा बढी औद्योगिक ग्राहकहरु रहेको प्राधिकरणका केन्द्र प्रमुख पोखरेलले बताए  । आर्थिक बर्ष २०७५।०७६ मा जिल्लामा बिद्युक्त महशुल बाफतको १० लाख २९ हजार बिद्युक्त महशुल रकम उठाउन बाँकी रहेको छ ।
एक बर्षको अबधिमा बिद्युक्त महसुल बाफतको ३ करोड ६२ लाख रुपैँया रकम संकलन भएको छ ।

प्राधिकरणले जिल्लामा बिद्युत चुहावट घट्दैँ गएको जनाएको छ । प्रमुख घिमिरेका अनुसार जिल्लामा आर्थिक बर्ष २०७४।०७५ मा १९ प्रतिशत बिद्युक्त चुहावट रहेको थियो भने आर्थिक बर्ष २०७५।०७६ मा घटेर १७ प्रतिशतमा आएको छ । जिल्लाको सितलपाटीमा विद्युत सबस्टेशन सञ्चालनमा आएपछि प्राबिधिक रुपमा देखिएको बिद्युक्त चुहावट पनि कम हुदैँ आएको उनको भनाई छ ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu