बसको ठक्करबाट मोटरसाइकल चालक छत्रेश्वरीका अजय वलिको मृत्यु

सल्यानमा बसको ठक्करबाट मोटरसाइकल चालकको मृत्यु भएको छ ।

बिहीबार दिउँसो सल्यानको शंखमुल नजिकै बसले ठक्कर दिँदा मोटरसाइकल चालक छत्रेश्वरी गाउँपालिका ३ पालेखोला निवासी अन्दाजी १९ वर्षीय अजय वलीको  मृत्यु भएको जिल्ला प्रहरी कार्यालय सल्यानले जनाएको छ ।

सल्यान श्रीनगरबाट त्रिवेणी गाउँपलिकाको काभ्रा जाँदै गरेको लु २ ख १२२२ नम्बरको बसले बिपरित दिशाबाट गइरहेको रा ५प ३०४८ नम्बरको मोटरसाइकललाई ठक्कर दिएको थियो । बसको ठक्करबाट गम्भीर घाइते वलीको थप उपचारका लागि सल्यान जिल्ला अस्पताल ल्याउँदा डाक्टरले मृत घोषणा गरेको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिनु भयो ।

ठक्कर दिने बस र चालकलाई नियन्त्रणमा लिएको र आवश्यक अनुसन्धानको कार्य अघि बढाएको प्रहरीको भनाई छ ।