सल्यानको त्रिवेणीमा ५ सिम्कमा पशु स्वास्थ्य शिविर सम्पन्न । ५ हजार ७ सय बढी पशुचौपायाको उपचार

सल्यानको त्रिवेणी गाउँपालिकाले पशुपन्छी सेवालाई किसानको घरदैलोमा पुर्याउने उद्देश्य अनुरुप एकै दिन ५ हजार ७ सय बढी पशुचौपायाको उपचार सहित औषधि वितरण गरिएको छ ।

मंगलबार गाउँपालिकाले वडा नम्बर ५ स्थित सिम्कमा सञ्चालन गरेको निःशुल्क पशु स्वास्थ्य शिविरमा  २ सय १२ जना कृषकहरुका पाँच हजार ७०८ पशुपन्छीलाई औषधि वितरण संगै ४९ कुकुरलाई रेविज विरुद्धको खोप लगाइएको पशु विकास शाखाका प्रमुख वसन्त रावतले जानकारी दिनुभयो ।

उहाँ अनुसार एकै दिन दुई हजार ६४३ बाख्रा, दुई हजार ८८९ कुखुरा, १३७ गाई गोरु र ३९ भैँसीलाई निःशुल्क औषधि विरण गरिएको छ भने ४९ कुकुरलाई रेविज विरुद्धको खोप लगाइएको हो ।

वडा नम्बर ५ का वडा अध्यक्ष विमल रावतको अध्यक्षतामा शिविरको उद्घाटन गरिएको थियो । शिविर उद्घाटन गर्दै त्रिवेणी गाउँपालिकाका अध्यक्ष खिम बहादुर रावतले पशुपन्छी विकास शाखाको सेवाबाट टाढा रहेका वस्तीहरुमा गाउँपालिकाले पशु स्वास्थ्य शिविर सञ्चालन गर्दै आइरहेको बताउनुभयो ।