बाख्रापालन सम्बन्धी ३ दिने तालिम सम्पन्न
सल्यानको त्रिवेणी गाउँपालिकामा ३ दिने बाख्रापालन सम्बन्धी तालिम सम्पन्न भएको छ । पशु सेवा शाखाको आयोजनामा कृषकहरुलाई व्यवसायिक बनाउने उदेश्यका साथ माघ १५ गतेदेखी सुरु भएको थियो । तालिममा पालिका भित्रका २२ जना कृषकहरुलाई व्यवहारिक सिप सिकाईएको थियो । बाख्राको खोर ब्यवस्थापन, आहारा व्यवस्थापन, प्रजनन् ब्यवस्थापन, स्वास्थ्य ब्यवस्थापन, आन्तरिक तथा बाह्य परिजिवि नियन्त्रण, पशु बिमाका साथै उत्पादनमा लागत कम गर्ने तरिकाको बारेमा सिकाईएको पशु शाखा प्रमुख बसन्त रावतले जानकारी दिनुभयो । तालिममा सिकेका कुराहरु आफुहरुले व्यबहारमा लागु गर्नुका साथै अरुलाई पनि सिकाउन सहयोग गर्ने सहभागीहरुले बताएका थिए । साथै पालिकाले आगामी दिनहरुमा पनि यस्तै किसिमका तालिम तथा कार्यक्रमहरुको आयोजना गरिदिए आफुहरुको बाख्रापालनमा क्रान्ती ल्याई पालिकालाई सम्बृद्ध बनाउने बताएका थिए । तालिमको समापन कार्यक्रममा बोल्दै गाउँपालिका अध्यक्ष खिम बहादुर रावतले तालिममा सिकेका ज्ञानलाई व्यवहारमा लागु गर्दै सफल कृषक बन्न र तालिममा सिकेका कुराहरुलाई अन्य कृषकहरुलाई सिकाउनको लागी आग्रह गर्नुभयो । साथै पालिकाले कृषि र पशुपालन ब्यवसायलाई विशेष प्राथामिकता राखेर आगमी बर्ष बजेटमा बृद्धि गर्ने बताउनु भयो । यस आ.ब.मा पालिकाले कृषिमा ५५ लाख र पशु शाखाको लागी ४५ लाख बजेट बिनियोजन गरेर काम गरिरहेको छ । तालिमको संचालन पशु शाखा प्रमुख बसन्त रावतले गर्नुभएको थियो ।
- सुर्तीजन्य पदार्थ तथा मध्यपान सेवन न्युनिकरण सम्बन्धी जनचेतनामुलक कार्यक्रम काभ्रामा सम्पन्न
- माओवादी उपाध्यक्ष कृष्णबहादुर महरा पक्राउ
- सल्यानमा सिकाई स्तर अनुसार शिक्षण विधि प्रभाकारिता बन्दै
- त्रिवेणी गाउँपालिकाले दियो सुनौलो हजार दिनका ८८६ आमालाई पोषण सामग्री
- सुनौलो हजार दिनका आमा र बच्चाको पोषण सुधारका लागि कुखुरा वितरण
- गायत्री प्राथामिक बिद्यालयले मनायो ३४ औ वार्षिकोत्सब