सल्यान त्रिबेणीका १ सय १ किसानहरुलाई ४ लाख ९९ हजार अनुदान वितरण
कृषकको उत्पादन गाउँपालिकाको अनुदान कार्यक्रम अन्तर्गत सल्यानको त्रिबेणी गाउपालिकाले १ सय १ किसानहरुलाई अनुदान वितरण गरेको छ । गाउँपालिका भित्र दुध, खसीबोका र अन्डा उत्पादन गर्ने कृषकहरुलाई बिहीवार अनुदान वितरण गरिएको हो । कृषकले गरेको उत्पादनको बजारीकरण गर्ने, प्रतिइकाई उत्पादनको आधारमा अनुदान प्रदान गर्ने, उनीहरुलाई प्रोत्साहन गर्ने, रोजगारी प्रदान गर्ने र कृषकको जीवनस्तरमा सुधार ल्याउने उद्धेश्यले अनुदान वितरण गरिएको गाउपालिकाले जनाएको छ ।
यस अन्र्तगत यस बर्ष गाउपालिका भित्रका कृषकहरुलाई ४ लाख ९९ हजार रुपैँया अनुदान वितरण गरिएको छ । जसमा दुध उत्पादन गर्ने १३ जना कृषकहरुलाई २ लाख ९ हजार ५ सय रुपैयाँ, खसीबोका उत्पादन गर्ने ८९ जना कृषकहरुलाई २ लाख ६९ हजार ५ सय रुपैयाँ र अन्डा उत्पादन गर्ने १ जना कृषकलाई २० हजार रुपैया गरि जम्मा ४ लाख ९९ हजार रुपैँया वितरण गरिएको गाउपालिकाको पशु सेवा शाखा प्रमुख बसन्त रावतले जानकारी दिनुभयो ।
अनुदान वितरण कार्यक्रममा गाउँपालिका अध्यक्ष मान बहादुर डाँगी, उपाध्यक्ष करुणा खड्का, वडा नम्बर ४ का वडाअध्यक्ष छबिराज शर्मा लगाएतको सहभागिता रहेको थियो । गाउपालिकाले कृषकको उत्पादनका आधारमा अनुदान दिन थालेपछि किसान उत्साहित भएका छन् ।
- माओवादी उपाध्यक्ष कृष्णबहादुर महरा पक्राउ
- सल्यानमा सिकाई स्तर अनुसार शिक्षण विधि प्रभाकारिता बन्दै
- त्रिवेणी गाउँपालिकाले दियो सुनौलो हजार दिनका ८८६ आमालाई पोषण सामग्री
- सुनौलो हजार दिनका आमा र बच्चाको पोषण सुधारका लागि कुखुरा वितरण
- गायत्री प्राथामिक बिद्यालयले मनायो ३४ औ वार्षिकोत्सब
- त्रिवेणी गाउँपालिकाद्धारा ३ जना सडक मानवको उद्धार- गा.पा. अध्यक्ष र वडा अध्यक्षले दिए एक महिनाको सुविधा बापतको रकम