घरमै पुगी सामाजिक सुरक्षा भत्ता वितरण गर्दै बागचौर नगरपालिका

   
त्रिवेणी अनलाइन
१९ फाल्गुन २०७७, बुधबार १५:५७ मा
[Sassy_Social_Share total_shares="ON"]

सल्यान १९, फाल्गुन ।
सल्यानको बागचौर नगरपालिकाले बैँक सम्म आएर सामाजिक सुरक्षा भत्ता लिन नसक्नेहरुको लागि घरमा नै गएर वितरण गर्न थालेको छ । सामाजिक सुरक्षा भत्ता बैँकिङ प्रणालीबाट वितरण गर्ने निति भएपनि बैँक सम्म आउन नसक्ने पुर्ण अपांग तथा अशक्त र ९० बर्ष उमेर माथिका सबै जेष्ठ नागरिकहरुको घरमा नै गएर सामाजिक सुरक्षा भत्ता वितरण गर्न थालिएको हो ।

नगरका १२ वटै वडामा रहेका पुर्णअपांग तथा अशक्त र ९० बर्ष उमेर माथिका सबै जेष्ठ नागरिकहरुको घरमा नै गएर सामाजिक सुरक्षा भत्ता वितरण गर्न थालिएको वागचौर नगरपालिका, सामाजिक सुरक्षा तथा पञ्जिकरण शाखा प्रमुख धनेश्वर खड्काले जानकारी दिनुभयो । उहाँले नगरपालिकाका झण्डै २ सय नागरिकहरुलाई घरमा नै गएर भत्ता वितरण गरिने जानकारी दिनुभयो ।

‘हामीले अहिले सम्म नगरपालिकाको वडा नम्बर ७ र ९ मा पुगेर सामाजिक सुरक्षा भत्ता वितरण गरिसकेका छौँ, बाँकी सबै वडाहरुमा पुगेर वितरण गर्ने हाम्रो तयारी छ’ उहाँले भन्नुभयो ‘जो बैँक सम्म आउन सक्नुहुदैन्, उहाँहरुको घरमा नै पुगेर पहिलो चरणमा भत्ता उपलब्ध गराउछौँ, दोस्रो चरणमा उहाँहरुले इच्छाएको ब्यक्ति आबश्यक प्रक्रिया पु¥याएर आएमा उपलव्ध गराउने हाम्रो तयारी छ ।’

यसरी घरमा नै सामाजिक सुरक्षा भत्ता पाएपछि नागरिकहरु खुसी भएका छन् । बागचौर नगरपालिकाका झण्डै ३ हजार ब्यक्तिहरुले विभिन्न किसिमको सामाजिक सुरक्षा भत्ता पाउदैँ आएका छन् । नगरप्रमुख लोकमान बुढाथोकीले पुर्णअपांग तथा अशक्त र ९० बर्ष उमेर माथिका जेष्ठ नागरिकहरुको सहजताको लागी घरमा नै गएर सामाजिक सुरक्षा भत्ता वितरण गर्न थालिएको जानकारी दिनुभयो ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu