मोटरसाइकल दुर्घटना हुँदा बाबुछोराको मृत्यु

शुक्रबार अपराह्न कोसी राजमार्गमा मोटरसाइकल दुर्घटना हुँदा बाबुछोराको मृत्यु भएको छ।

धरानबाट इटहरी जाँदै गरेको प्रदेश १-०१-०४४प १२५६ मोटरसाइकल दुर्घटना हुँदा सवार बाबुछोरा दुबै जनाको मृत्यु भएको प्रदेश नम्बर १ ट्राफिक प्रहरी कार्यालयले जनाएको छ।

मृत्यु हुनेमा ५० वर्षीय नुरजंग मल्ल र उनका बुवा ८२ वर्षीय कुबेरबहादुर मल्ल छन्।

उदयपुर रुपाटार-२ घर भएका उनीहरू इटहरी-८ मा बस्थे।

कोसी राजमार्गको इटहरी-२ पिपलचोकमा मोटरसाइकल आफैं अनियन्त्रित भएर दुर्घटना भएको प्रहरीले जनाएको छ।

‘तीव्र गतिका कारण मोटरसाइकल अनियन्त्रित भएर दुर्घटना भएको रिपोर्ट आएको छ,’ प्रहरी उपरीक्षक सञ्जीव शर्माले भने।

दिउँसो साढे २ बजेतिर दुर्घटना हुँदा गम्भीर घाइते भएका दुबैलाई बिपी कोइराला स्वास्थ्य विज्ञान प्रतिष्ठान लगिएको थियो। उपचारको क्रममा दुबैको केही समयमै मृत्यु भएको शर्माले बताए।