अत्याधिक वर्षाले सल्यानको श्रीनगरमा पम्पको ट्याङ्की जमिनमाथी आए

भाद्र ३, सल्यान । अत्याधिक वर्षाको कारण गएराती सल्यानका विभिन्न ठाउँमा क्षेति पुर्याएको छ । जिल्लाको शारदा नगरपालिका १ श्रीनगरमा अबस्थित शारदा आयल व्यापार सेवा (पेट्रोल पम्प)मा पहिरोले ठूलो क्षती भएको हो ।

पहिरोले पेट्रोलियम पदार्थ भन्डारण गरिने ३ वटा ट्याङ्की जमिनमाथी आएका छन भने डिजेल, पेट्रोल पोखिएको छ । जमिनमुनी पानीका मुल फुटेर ट्याङ्कीले धान्न नसकेपछि ट्याङ्की जमीनमाथी आएको हुनसक्ने अनुमान गरिएको छ।

पम्पमा २० हजारको एक र १६ र १६ हजारका दुईवटा ट्यान्की तेल भन्डारको लागि जमिनमुनी गाडिएको थियो । अहिले उक्त ट्याङ्कीबाट पेट्रोलियम पदार्थ पोखिराखेको छ भने ट्याङ्कीका विभिन्न भाग फुटेका छन।