लकडाउनका पनि जिल्ला अस्पताल सल्यानमा सुत्केरी हुनेहरुको संख्यामा बृद्धि

   
त्रिवेणी अनलाइन
३१ बैशाख २०७७, बुधबार २१:२० मा
[Sassy_Social_Share total_shares="ON"]

कोरोना भाईरस रोकथाम तथा नियन्त्रणका लागी भनेर देश लकडाउन गरिएको छ । लकडाउनमा पनि सल्यान खलंगाको जिल्ला अस्पतालमा सुत्केरी हुनेहरु संख्या बढिरहेको छ ।

जिल्ला अस्पतालमा लकडाउन सुरु भए देखि आज सम्म १७३ जनाले प्रसुती सेवा लिएको अस्पताल स्रोतले बताएको छ । जसमध्ये चैत्र ११ देखि चैत्र मसान्त सम्म ८४ र बैशाख मसान्त सम्म ८९ रहेकाछन । जो अघिल्नो वर्षको तुलनामा बढि हो ।

सल्यान जिल्ला अस्पतालमा सल्यान संगै रोल्पा र रुकुमबाट समेत प्रसुती सेवाको लागि आउने गरेका छन । लकडाउनमा अत्यावश्यक सवारीलाई आवतजावतमा रोक नलगाइएका कारण प्रसुतीका लागि जिल्ला अस्पताल आउनेहरुको संख्यामा कुनै प्रभाव नपरेको पाइएको छ ।

स्थानीय तह मातहतका स्वास्थ्य संस्थामा आवश्यक सुरक्षा सामाग्री नहुदा सिधै जिल्ला अस्पतालमा रिफर गर्ने गरेको पाइएकाले जिल्ला अस्पतालमा सुत्केरी हुनेहरुको संख्या बढेको हो । प्रसुती सेवा आकस्मिक केश भएकाले कोरोनाले यसलाई कुनै प्रभाव नपारेको र सुरक्षा सामाग्री र सजगताका साथ सेवा संचालन गरिएको स्वास्थ्य सेवा कार्यालय प्रमुख डाक्टर अर्जुन बुढाले जानकारी दिए ।

जिल्ला अस्पताल सल्यानको तथ्यांक अनुसार गत आर्थिक वर्षमा कुल ११६६ सुत्केरी भएकोमा एस अर्थिक वर्षमा ११६८ जनाले जिल्ला अस्पतालमा पस्तुति सेवा लिएका छन ।


नेपाल सरकारले यातायात खर्चको २ हजार, कर्णाली प्रदेश सरकार सुत्केरी पोषण कोसेली कार्यक्रम अन्तर्गत २ हजार र नियमित गर्भ जाँच अनुसार ८ सय गरि ४ हजार आठ सय रुपैया जिल्ला अस्पताल सल्यानले प्रसुती सेवा लिनेलाई वितरण गर्दे आएको छ ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu