कुमाख गाउँपालिकाद्धारा विपन्न परिवारलाई राहत वितरण
सल्यान १३, बैशाख ।
सल्यानको कुमाख गाउँपालिकाले विपन्न परिवारलाई राहत वितरण गरेको छ । कोरोना भाइरसको संक्रमण रोक्न भन्दै विगत एक महिनादेखि जारी लकडाउनका कारण दैनिक जीविकोपार्जनबाट प्रभावित समुदायलाई गाउँपालिकाले राहत वितरण गरेको हो । जस अन्र्तगत राहत वितरणको पहिलो चरण अन्र्तगत गाउँपालिकाका सात वटै वडामा राहत वितरण गरिएको गाउँपालिकाले जनाएको छ ।
गाउँपालिकाका अनुसार वडा नम्बर १ मा ४७ घरपरिवार, वडा नम्बर २ मा ४८, वडा नम्बर ३ मा ६९, वडा नम्बर ४ मा ६७, वडा नम्बर ५ मा ६१, वडा नम्बर ६ मा ५९ र वडा नम्वर ७ मा ४९ घरपरिवारलाई राहत वितरण गरिएको छ । गाउँपालिकाका सबै वडामा पुगेर राहत स्वरुप चामल, दाल, तेल, लगाएतका दैनिक उपभोग्य खाद्यान्न वितरण गरिएको गाउँपालिका अध्यक्ष दिलमाया बुढाले जानकारी दिनुभयो । राहत पाउनबाट छुटेका विपन्न परिवारलाई दोस्रो चरण राहत वितरण गरिने गाउपालिकाको भनाई छ ।
- त्रिवेणीमा ९ सय ३८ जना जेष्ठ नागरिकलाई सम्मान तथा जेष्ठ नागरिक परिचय पत्र वितरण
- सल्यानको त्रिवेणी ३ तिमिलेचौरमा आगलागिमा परी एकको मृत्यु
- होली: प्रेम र एकताको संदेश- विजय भण्डारी
- श्री गायत्री प्राथमिक विद्यालय त्रिवेणी गाउँपालिका ५ ढोरचौर सल्यानले आफ्नो ३५ औं वार्षिकोत्सब मनाएको छ ।
- राष्ट्रिय फोटो पत्रकार समूह सल्यानको अध्यक्षमा वुढाथोकी
- त्रिवेणी गाउँपालिका र सामुदायिक वन उपभोक्ता समितिहरुविच अन्तरक्रिया सम्पन्न
