निर्माणधिन घरको तला भत्किदा सल्यानमा ५ महिला घाइते
फागुन ५ सल्यान,
घर बनाउने क्रममा सल्यानमा घरको तला भत्किदा ५ जना महिला घाइते भएका छन् । जिल्लाको छत्रेश्वरी गाउँपालिका २ दहखोला रामचनेमा घर बनाउने क्रममा घरको तला भत्किदा आइतबार ५ जना महिला घाइते भएका हुन् ।
घाइते हुनेमा सोही ठाउँका भुमा खड्का, रेउती विक, झुपा विक, कविता बस्नेत र रिता विक रहेको छत्रेश्वरी १ का वडा सदस्य प्रकाश हमालले लेकाली अनलाइनलाई जानकारी दिए । उनका अनुसार घाइतेलाई उपचारको लागि दमाचौर स्वास्थ चौकीको एम्बुलेन्सबाट श्रीनगरतर्फ लगिएको छ ।
घाइतेमध्ये दुई जनाको अबस्था गम्भीर छ । स्थानीय दिल बहादुर विकको निमार्णाधिन घरको तला बनाउने क्रममा तला भत्किएर घटना घटेको हो । गाउँका आमासमुहले घर बनाउने क्रममा समूह भित्रका घरहरु लिपपोत गर्दै आउने गरेका थिए ।
सोही अनुसार आइतबार पनि उनिहरु दोस्रो तलाको भुईमा भित्ता लिप्दै गर्दा तला भत्किएर च्यापिएर घाइते भएका हुन् । तला भत्किदा अन्य धेरै कामदारहरु सामान्य रुपमा घाइते पनि भएका छन् ।
- राष्ट्रिय फोटो पत्रकार समूह सल्यानको अध्यक्षमा वुढाथोकी
- त्रिवेणी गाउँपालिका र सामुदायिक वन उपभोक्ता समितिहरुविच अन्तरक्रिया सम्पन्न
- शारदा नगरपालिका सल्यानद्वारा आधिकारीक लोगो सार्वजनिक
- त्रिवेणी गाउँपालिकाका ८ सय २ किशोरीलाई एचपिभी खोप लगाइदैँ
- त्रिवेणी गाउँपालिका स्तरीय छैठौं अध्यक्ष कप तथा राष्ट्रपति रनिङ सिल्ड प्रतियोगिता सम्पन्नः उपाधी सरस्वती मा.वि सिम्कलाई
- जन्मदिनको फजुल खर्चले शैक्षिक सामग्री