राजस्व संकलन कार्यालय अब सल्यानमा

माघ,२५ सल्यान । सल्यान उद्योग बाणिज्य संघ सल्यानको पहलमा सल्यान र रुकुम जिल्लालाई मद्यनजर गर्दै कर सेवा ´राजस्व संकलन केन्द्र` कार्यलय सल्यानमा स्थापना हुने भएको छ। नेपाल सरकार (मन्त्रिपरिषद्)को निर्णयानुसार ग्राहकको सेवालाई मध्यनजर गर्दै सल्यानमा करदाता सेवा कार्यालय स्थापना गर्न लागिएको हो । उद्योगी व्यवसायीहरुको सेवालाई मध्यनजर गरी यसै आर्थिक बर्षभित्र अनिवार्य रुपमा लागु हुने गरी केन्द्रबाटै करदाता सेवा कार्यालय खोल्न लागेको संघका बरिष्ठ उपाध्यक्ष कुमार बुढाथोकीले बताउनु भयो ।

टाढाको दूरी हुँदा उद्योगी, व्यवसायीलाई कर तिर्न समस्या भएपछि करदाता सेवा कार्यालय थप गरेको हो। संघको पहलमा उक्त कार्यालय स्थापना हुन लागेको हो । सल्यान र रुकुमका ब्यापारीका निम्ति कर बुझाउन लामो समय लगायर दाङ जानू पर्ने बाध्यता रहेकोमा अब भने सल्यानमा स्थापना गरिन लागिएको करदाता सेवा कार्यालयले ब्यापारी लाई निकै राहत हुने महासचिव भरत बस्नेतले जानकारी दिनु भयो । जिल्लाका ब्यापारीका हकहितको लागि संघले बिभिन्न समयमा आन्तरिक राजस्व कार्यालय तुल्सिपुर दाङ संग समन्वय गरि राजस्व संकलन गर्ने गरेको छ।