सल्यानमा दुईवटा एनसेल टावर आगजनी

माघ १३, सल्यान । सल्यानमा छुट्टाछुट्टै दुइ स्थानमा रहेका एनसेल टावरमाथी आगजनी भएको छ । जिल्लाको बनगाड कुपिण्डे नगरपालिका –४ देउलीमा रहेको एनसेलको टावरमा अज्ञात समुहले आइतबार राती आगजनी गरेको जिल्ला प्रहरी कार्यालय सल्यानले जनाएकाे छ । प्रहरीका अनुसार यहाँ टावर संचालन गर्न राखिएको जेनरेटर र बिटीएसको तार काटेर आगजनी गरिएको छ ।

त्यस्तै शारदा नगरपालिका –१३ लेखटाकुरामा रहेको एनसेलको टावरमा पनि आगजनी भएको छ । दुवै घटनामा एकै प्रकृतिको जेनरेटर र बिटीएसको तार काटेर आगजनी भएको जिल्ला प्रहरी कार्यालय सल्यानका प्रमुख डिएसपी ढकेन्द्र खतिवडाले जानकारी दिए।

प्रहरीले घटना स्थल पुगी अनुसन्धान सुरु गरेको जनाएको छ । टावर आगजनीकाे जिम्मा कसैले नलिएपनि नेत्र विक्रम चन्द विप्लव नेतृत्वकाे नेकपाले गरेकाे हुनसक्ने प्रहरीकाे अनुमान छ ।