हुलाक कार्यालय सल्यानले श्रीनगरबाट पनि सेवा सुरु गर्यो

   
त्रिवेणी अनलाइन
१३ माघ २०७६, सोमबार १८:३२ मा
[Sassy_Social_Share total_shares="ON"]

माघ १३, सल्यान । जिल्ला हुलाक कार्यालय सल्यानले जिल्लाको श्रीनगर स्थित खलंगा-रुकम रोडको चोकबाट आफ्नो साधारण खालको सेवा दिन सुरु गरेको छ । श्रीनगरबाट सबैलाई सहज हुनेभन्दै कार्यालयले आइतबार देखि सामान्य खालको सेवा दिन सुरु गरेको हो ।

जसमा साधारण चिठीपत्र पठाउ, खुद्रा पैसा साट्न, टिकट बिक्री र निशुल्क पानी पिउने व्यवस्था गरिएको जिल्ला हुलाक अधिकृत धिरेन्द्र भण्डारीले बताए । उनका अनुसार खलंगा-रुकुम रोडको चोकमा रहेको ट्राफिक पोस्ट नजिक रहेको सटरमा एकजना कर्मचारी सहित चिठीपत्र राखिने सानो पेटीका र खानेपानी राख्ने फिल्टर राखिने छ ।

सेवा प्रत्येक दिन बिहान १० बजेदेखि दिउँसो २ बजेसम्म हुने उनले बताए । त्यहाँ संकलन भएका सबै चिठीपत्र २ बजेपछि हुलाक कार्यालयमा लगेर व्यवस्थापन गरिने उनले जनाए । खुद्रा पैसाको लागि समस्या परेका मानिसहरुलाई यसले धेरै सहज हुने उनले बताए ।

यसअघि हुलाक कार्यालय सल्यानले खलंगा पुरानो बसपार्कबाट पनि सेवा सुरु गरेको थियोे । उक्त सेवा अहिले नियमित छ ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu