जेलमा निःशुल्क खान र बस्न पाइने भन्दै चोरी

   
त्रिवेणी अनलाइन
२१ कार्तिक २०७६, बिहीबार २१:४८ मा
[Sassy_Social_Share total_shares="ON"]

जेलमा निःशुल्क खान, बस्न पाइने भन्दै चोरी गर्ने एक जनालाई प्रहरीले पक्राउ गरेको छ । जिल्लाको मुसीकोट नगरपालिका १ खलंगाको त्रिवेणि चोकस्थित एक मोबाइल पसलमा चोरी गरेको आरोपमा प्रहरीले मुसीकोट नगरपालिका २ रातामाटाका राजु परियारलाई पक्राउ गरेको हो । 

प्रहरीका अनुसार परियारले गत १६ कात्तिक राति १२ बजेको समयमा त्रिवेणि गाउँपालिका ५ का निर्मल बिकको मोबाईल पसलमा चोरी गरेका थिए । परियारलाई मुसीकोट नगरपालिका १ खलंगाबाटै पक्राउ गरिएको र उनको साथबाट ३ तीन थान मोबाइल, ३ थान मोबाइलको ब्याट्री र चार हजार तीन सय ८० रुपैयाँ नगद बरामद गरिएको जिल्ला प्रहरी प्रमुख प्रहरी नायब उपरीक्षक सुमित खड्काले जानकारी दिए । 

प्रारम्भिक अनुसन्धानका क्रममा परियारले यस अघि पनि चोरीको मुद्दामा कैद भुक्तान गरिसकेको र जेलमा निःशुल्क खाना र बस्न पाइने भएले पुनः चोरी गरेको खुलेको डिएसपी खड्काले बताए । 

परियारले यसअघि २३ कात्तिक २०७३ मा मुसीकोट १ खलंगाको एक घरमा चोरी गरेको मुद्दामा तीन वर्ष कैद भुक्तान गरेको प्रहरीको भनाई छ । उनीमाथि चोरी तथा डाँका सम्बन्धि कसुर मद्दामा जिल्ला अदालतबाट म्याद थपगरी अनुसन्धान भइरहेको प्रहरीले जनाएको छ । 

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu