सिन्धुपाल्चोकको ६ किलोमा बस दुर्घटना : ११ जनाको मृत्यु

२९ मंसिर, काठमाडौं । दोलखाको कालिन्चोकबाट भक्तपुर आउँदै गरेको बस सिन्धुपाल्चोकमा दुर्घटना हुँदा ११ जनाको मृत्यु भएको छ ।

सिन्धुपाल्चोकको सुनकोसी गाउँपालिका–७ , स्थित ६ किलोमा भन्ने स्थानमा बा ४ ख ४४६८ नम्बरको बस दुर्घटना भएको हो ।

सिन्धुपाल्चोकमा कार्यरत नेपाल प्रहरीका इन्स्पेक्सटर गणेश खनालका अनुसार, अहिलेसम्म ११ जनाको मृत्यु भइसकेको छ । दुर्घटनामा अन्य थुप्रै यात्रु घाइते भएकाले मृतकको संख्या बढ्न सक्ने उनले बताए ।

खनालका अनुसार कालिन्चोक मन्दिर दर्शन गरेर फर्किंदै गरेको बस आइतबार बिहान ८ः१५ बजे दुर्घटना भएको हो ।

Source : Online Khabar