सल्यान त्रिवेणीमा विदामा पनि स्वास्थ्य संस्था खुल्ला

सल्यानको त्रिवेणी गाउँपालिकाले सार्वजनिक विदाका दिनमा पनि स्वास्थ्य संस्थावाट सेवा सुचारु गरेको छ । गाउँपालिका भित्र ४ स्वास्थ्य चौकी र दुई सामुदायिक स्वास्थ्य केन्द्रबाट विदाको दिनमा समेत स्वास्थ्य सेवा दिन थालिएको हो । 
यहि वर्षको साउन १ गते देखि यहाँका सवै स्वास्थ्य संस्थामा शनिवार र अन्य विदाका दिनमा पनि सेवा दिदै आएको स्वास्थ्य शाखा प्रमुख प्रभात कुमार श्रेष्ठले बताए । उनले भने गाउँ सरकारले लिएका नीति कार्यान्वयन गरिरहेका छौ । 
सार्वजनिक विदाको दिन स्वास्थ्य सेवा पाउँदा खुसी लागेको त्रिवेणी गाउँपालिका २ काँरागिठीकी कामी पुनले वताइन  । उनले भनिन  शुक्रवारदेखि रुघाखोकी र ज्वरो आएको थियो । शनिवार स्वास्थ्य संस्था खुल्ने थाहापाएर गाउँ नजिकै रहेको कारागिठी स्वास्थ्य संस्थामा पुगेर उपचार गराए ।   विदाको दिन पनि सेवा पाउदा खुसी लागेको छ ।
सार्वजनिक विदाको दिन स्वास्थ्य संस्था खुल्ला राख्ने नीति गाउँसभाले पारित गरे अनुसार  विदाको दिनमा समेत स्वास्थ्य सेवा दिद्रै आइरहेको गाउँपालिका अध्यक्ष मानवहादुर डाँगीले बताए । उनले भने   संविधानमा उल्लेख भएको स्वास्थ्यको अधिकार कार्यान्वयन स्थानीयत सरकारले गरौ भने सार्वजनिक विदाको दिन सेवा दिन थालेका हौ ।
सार्वजनिक विदाको दिन सेवा गरेवापत कर्मचारीलाई अतिरिक्त सुविधा गाउँपालिकाले  दिने गरेको  छ । स्वास्थ्य संस्थामा कार्यरत अहेव, हेल्थ अस्टिेन्ट वा अनमि मध्ये एक जनाले विदाको दिन सेवा प्रदान गर्ने र उक्त दिन सेवा गरे वापत  ७ सयका दरले सुविधा  दिने गरेको गाउँपालिका प्रमुख प्रशाससकीय अधिकृत रेमन्तवहादुर डाँगीले वताए । स्वास्थ्यकर्मीले आलोपालो सेवा दिने गरेको उनको भनाई छ  ।
सुरुका दिनमा विदाको दिन थोरै विरामी आउने गरेको भएपनि प्रचार प्रशार भएपछि  विदाका दिनमा पनि ७⁄८ जना सेवा लिन आउने गरेको कारागिठी स्वास्थ्य चौकी  इञ्चार्ज शंकर रानाले बताए ।