ब्लड क्यान्सर पिडित सुजनलाई कोरियाबाट आर्थिक सहयोग प्रदान

ब्लड क्यान्सर पिडित सुजनलाई दक्षिण कोरियाबाट टर सिङ पुनले आर्थिक सहयोग संकलन गरि पठाउनु भयको सहयोग रकम हस्तान्तरण गरिएको छ । सल्यानको त्रिवेणी गाउँपालिका वडा नं. २ निवासी ब्लड क्यान्सर पिडित १४ वर्षीय सुजन पुनको उपचारको लागी टर सिंह पुन मार्फत कोरियामा संकलन गरिएको ८७ हजार २ सय ७ रुपैया बुधबार एक कार्यक्रमका बिच त्रिवेणी गाउँपालिका सल्यानका उपाध्यक्ष सिता खड्का पुनले सुजनको आमा दुर्गा पुनलाई हस्तान्तरण गर्नु भएको हो । दक्षिण कोरियामा कार्यरत सामाजिक काममा निकै सक्रिय रहेका ब्यक्ती टर सिङ पुन लगायत उहाँहरुको टिमले यसभन्दा पहिले पनि सल्यानमा धेरै सहयोग गर्दै आईरहेको छ । पिडित पुनका आमा दुर्गा पुनले घरको आर्थिक अवस्था कमजोर भएकाले सहयोग गर्न सबैलाई आग्रह गर्नुभएको छ । हालसम्म ५ लाख भन्दा बढी खर्च भइसकेको र अझै १० देखि २० लाखसम्म खर्च हुने उहाँको भनाई छ । उपचार खर्चमा सहयोग गर्न चाहानेले सुजनको आमा दुर्गा पुनको नाममा रहेको माछापुच्छे बैक श्रीनगर शाखाको खाता नं. ६२२२५२४४८४५४३०१७ र मुक्तिनाथ विकास बैकको खाता नं। ०४४२०६००३८०७३८०००००१ जम्मा गर्न सकिने उनको भनाई छ ।